Books Should Be Free is now
Loyal Books
Free Public Domain Audiobooks & eBook Downloads
Search by: Title, Author or Keyword

Conversion des Sauvages qui ont esté baptizés en la Nouvelle France, cette année 1610 Avec un bref recit du voyage du Sieur de Poutrincourt   By:

Book cover

First Page:

CONVERSION DES SAUVAGES QUI ONT ESTÉ BAPTISÉS EN LA NOUVELLE FRANCE, cette année 1610.

AVEC UN BREF RECIT du voyage du Sieur DE POUTRINCOURT.

[Illustration]

A PARIS

Chez Jean Millot, tenant sa boutique sur les degrez de la grand'Salle du Palais.

Avec Privilege du Roy.

[Illustration]

A LA ROYNE

MADAME,

Dieu m'ayant fait naitre amateur de ma nation & zelateur de sa gloire, je ne puis moins, que de luy faire part de ce qui la touche, & qui sans doute l'époinçonnera quand elle entendra que le nom de Jesus Christ est annoncé és terres d'outre mer qui portent le nom de France. Mais particulierement cela regarde vôtre Majesté, laquelle sur ces nouvelles a eu un temoignage du grand contentement qu'elle en avoit. La chrétienté doit ceci au courage & à la pieté du Sieur de Poutrincourt, qui ne peut vivre oisif parmi la tranquillité en laquelle nous vivons par le benefice du feu Roy vôtre Epoux. Mais (Madame) si vous desirez bien tot voir cet oeuvre avancé, il faut que vous y mettiez la main. Donnez luy des ailes pour voler sur les eaux, & penetrer si avant dans les terres de delà, que jusques à l'extremité où l'Occident se joint à l'Orient, tout lieu retentisse du nom de la France. Je sçay qu'il ne manque de volonté & fidelité au service du Roy et de vôtre Majesté, pour faire (apres ce qui est de Dieu) que vous soyés obei par tout le monde. Et pour mon regard en tout ce que j'ay jamais travaillé, je me suis efforcé de bien meriter du Roy & du public, ausquels j'ai dedié mes labeurs. S'il m'en arrive quelque fruit, je le dedieray volontiers, & tout ce que Dieu m'a donné d'industrie, à l'accroissement de cette entreprise & à ce qui regardera le bien de vôtre service. Cependant ayez (MADAME) agreable ce petit discours evangelique (c'est à dire portant bonnes nouvelles) que publie à la France souz vôtre bon plaisir,

MADAME,

De vôtre Majesté

Le tres humble, tres obéissant, & tres fidele serviteur & sujet MARC LESCARBOT.

Extraict du Privilege du Roy.

PAR grace & privilege du Roy, il est permis à Jean Millot Marchant Libraire en la ville de Paris, d'imprimer, ou faire imprimer, vendre & distribuer par tout nostre Royaume tant de fois qu'il luy plaira, en telle forme ou caractere que bon luy semblera, un livre intitulé LA CONVERSION DES SAUVAGES composé par MARC LESCARBOT Advocat en la Cour de Parlement. Et ce jusques au temps & terme de six ans finis & accomplis, à compter du jour que le dit livre sera achevé d'imprimer. Pendant lequel temps defences sont faictes à tous Imprimeurs, Libraires, & autres de quelque estat, qualité, ou conditions qu'ils soient, de non imprimer, vendre, contrefaire, ou alterer le dit livre, ou aucune partie d'iceluy, sur peine de confiscation des exemplaires, & de quinze cens livres d'amende appliquable moitié à nous, & moitié aux pauvres de l'hotel Dieu de cette ville de Paris,& despens dommages, & interests dudit exposant: Nonobstant toute clameur de Haro, Charte, Normande, Privileges, Lettres ou autres appellations & oppositions formées à ce contraire faictes ou à faire. Donné à Paris le neufiesme jour de Septembre l'an de grace 1610. Et de nostre regne le premier.

Par le Roy en son Conseil.

Signé, BRIGARD.

[Illustration]

LA CONVERSION DES Sauvages qui ont esté baptisez en la Nouvelle France, cette année 1610... Continue reading book >>




eBook Downloads
ePUB eBook
• iBooks for iPhone and iPad
• Nook
• Sony Reader
Kindle eBook
• Mobi file format for Kindle
Read eBook
• Load eBook in browser
Text File eBook
• Computers
• Windows
• Mac

Review this book



Popular Genres
More Genres
Languages
Paid Books