IN ARAPAHOE: MATTHEW 9, 1-8. 1888 PUBLISHED BY Wm. J. KREHBIEL, NEWTON, KANSAS. ALPHABET: ---- a a a e e i o o u u b c h k n s t w x y ch sh th. a, sound of ä in English. e, long sound of e in English. i, short sound of i in English. o, long sound of o in English. u, sound of ü in English. x, sound of ch in German. All other letters have the same sound that they have in the English language. Each letter has only one sound. (´) denotes the syllable to be accented. (') (Apostrophy) when at the end of a word or a syllable, denotes a sound similar to that which is wrought when a person groans. MATTHEW 9, 1-8. ---- 1 Nane´he yehat thewo´ne', na chebexa´ta', na hei´xcha hete´ten. 2 Na naha´bee, heix chato´na hisi´bine´nin, seese´nen haa´be'. Na tonaha´to' Chesus hiti´thawotate´nin hetha´t hisi´bine´nin. Na´hee, hithatha´tacha, hawoxta´tena kano´uteni'. 3 Na naha´bee, hatha´a' hee´yane´nena hehi´thi' he´bene, nehe' henen wasa´t. 4 Na Chesus hei´nowuni´th heshi´thechathi,' na ha´hit, nax to´he' woxi´thichane hetehi´na? 5 Ha'y´u bene´ebe neshi´nihi', Hawoxta´tena kano´uteni', nahawaa´th tohu´u', Ko´hee na chebe´s? 6 Ha heti hei´newu´ne henen he´haa tana´tihinith het be´taawu' teko´ute´na woxta´tena (na hetha´t hisi´bine´nie) kohee hi´tena hoto´a, na yeha hotoa´wu'. 7 Na nexko´heet, na hei´hi yeha hitia´wu'. 8 Na hae´ne wanathe´thi' naha´tou kaxtow wuthechathe', na bebe' nethi´tonathi' hixche´benehea´tha, hine benat heso´ni' na´atehet hene´nena'. Nuhu' hathita´a neta´watha´na heh' neshi´thi' hene´nena'. Heh' ne´isixt Chesus, na chese' hene´n heso´wobih't. Chesus hixchebeneheatho´iso. Nih' neth´enete´wat hixche´benehea'tha chixtecha´ani´hi. Nixchih'e´netat nuhu be´taawu' waate´ hene´n. Nih'i´thawu henene´net. Ha Hixchebeneheatho´u henitani´th hite´he'. Chesus nishchih'i´netat be´taawu' totne´neya´hat heneni´tena. Hanau´t heneni´tena nonethoathi'. Hanaut heneni´tena yeha´thi' techa´ane´hi' nana´athehetet. Chesus nishchih'i´netat tot neti´ha ba´ithi' no´uthe' nana´athe´hetet. Nebe´ta yeha´that hene´nena techa´ane ne´etet. Nebe´ta yeha´that henenena hixche´be, haka chese' hixche´be neyu hene´nena ne´ta nei´th'chat. Na Chesus hene´neshi´hat hene´nena hethatha´ne´he he´chish hintani´thi' het be´taawu'. Nuhu' nenaha´tawuna' hathita´ne. Hethe' henen' heso´wobih't heixche´ne' chebi´se. Hei esowobih't techxa. Na´xihinehee´ behe'nihe´that noto´nihahe´ha hetii´niyahat chea´hi', ha heixchanee´ne. Hena´e che´neh' het tatae´'e noto´nihahe´ha nee´neyaha´hak, haka hanee´ne koute´nawu hewoxta´tena. Na hewoxta´tena nene´nene' hehe' heso´wobeha´tana. Woxta´tena nena´e beha´he' heso´wobeha´tana. Ith hene´nena chetha' woxta'hokane hene´ chetha' heso´wobehithi'. Neta' hene´n na hi´sa ha´na' tehea´che woxta´thi' he´heeha´w wei´newu neshe´ne hesowobeha´tena. Chesus hehawu´ne woxu´ta na hawu´ne thoeso´wobih´t. Ha woxta´tena chene´hee´neto´uu bete´he' hanau´t ko´xuhu hene´nena, na hesowobeha´tana ne' chih' eneto´u hanau´t hene´nena. Hatha´a' hene´nena hehawo´u hesowobi´hina, haka hixcheheneheatho´u nene´ne' ha´thi'. Na nebe´ta bexa´thathi' hee´he'. Ha hee´ne hixchebeneheatha nebanat heso´wobeha´tana te´enana´athe´hat hatha´a hene´nena hewoxta´tene´na. Hixchebeneheatho´nothoneheine' neinani hi´ne wona´thethi' heneni´tena nana´athehethi' hee'he hewoxta´tene´na. Naha´tawu´naaxk teshe´ne' hi´ne wanathe´thi' neheatho´u na hehe´th'neni´tena tato´utathi' hee´he' wathe´n nesowobeha´tana nei´nowu´na woxta´tena neetho´u hesowobeha´tana. Hene´n he´i ishiba´ he´i hesowobi, haka nehee´ wawoxu´tat. He´ih'e´ne ba´ta heneya´ha ha he´ka henene´te kanie´ne he´neya´ha. Na nene´tawathat Chesus ne' behe´nee´ne neya´thanith hanau´t che´che' xo´wobehatana. He´i be´to yeha´ Chesus, ha he´i che´ne' chebi´se. Ha hat nextane´ te´xat. Yaneni´thi henete´hee´haha heheyehatha´tona yeshe´he Chesus. Toh' ne´tobethe hi´ne Chesus toh' i´netat chese' haa´wu', he´i nahaa´nawu hita´wu'u na he´i yehathe´na haa´wu'. Ha wathe´the' henene´tena che´ethi' na che´etawu' na he´i che'ne' che´ta´na. Na he' ne' eyeha´thi hixcha waa´wu na he´i tane´nawu. Xaku´hu nu´hu' het' ta´nenuu he´i awocha´nena' hethe´akut Chesus. Nuhu' hene´ exaha´thitha´thi' titha´wato. Hae´ne seishi' hethe´akut Chesus, hehawu´hu hesowobehat tato´u ta´he' xokuu´hu, ha hewoxta´tena. Hite´he bene´shetet hewoxta´tena, chena´uwu´nith hite waate´ hehe´ya hana´ken. Hae´ne naaha´ta' hita´xebea´nin Chesus, he´heea´na hi´ne Chesus toxche´ woxta´tenet, na hea´na hine Chesus to' naha´tawunith hite na hea´nawunith hanau´t hewoxta´tena. Nea´nawu´na hathita´ne hite toxtato´utahat hee´he' hewoxta´tena. Chesus hei´nawunith hitato´utana, hethat, Hithatha´tacha, hawoxta´tena kanoutene'. Hae´ne netawa´ta' nuhu' hitenate´tana Chesus, hite´he hithatha´tacha. Hatho´a hesa´ine´nena heshi´thichathi' Chesus ka´ni' asane woxta´tena, heshi´thichathi', Chesus wana´wasat. Ha Chesus hexaha´thetha´thi' teh' ene´tinith hitha´wu´hu, haka hethat heso´wobihi´nith, Ko´hee, hi´tena hoto´a na yeha hotoa´wu'. Na nu´hu' nee´shehe xoxono´. Chih' ehethihi nuhu' hathita´ne nei´nawu´na' ne´ne' nene´sixt neko´utena, woxta´tena, na nenaya´hatet. Chesus he´netat hixchebe' hewa´nehe, newononei´tat nuhu' heyahu´ha het be´taa´wu'. He´ne' hene´nena nechani´thi' hetha´wotane´hi' hite´tehithi' heyahu´ha henot tha´nena. Hae´ne tato´utonon heta´hin hee´he hawoxtate´nin. Chesus xano´ neko´utena, ha xoxuno´ heta´towuna´na' hawoxtate´nin wate´ he´ni' hene´n hathita´ne' he´shitat. Hithe' wanathe´the' heneni´tena naene´he' Chesus, ha beha´itowu´nat hewoxta´tena. Na che' enitabe´nexk hawoxta´tenina Chesus ha´nautone´he hene´tee´haha, na hebe´t ko´ute´nena´ha hawoxta´teni´na, hat ne ko´ute´na, na bena´ne hi´thatha be´te. Henatha´eu ethatha´the chano´u, hae´ne koutene´e hawoxta´tenin nahawu´ne athawu´nethebe nena´t, ha hat neenewu´ne nee´he hae´ne wuna´e hithawu´hu hawoxta´teni´na ko´uteyako´ne. Nete´ he´thatha´na', haka toa´nowa Chesus kano´utena nawoxta´tena heni' nihieni´tawuna´tena. Na bene´theha´na ha' a´tobehe hawoxta´tenina, na hako´utene´na, na hetehi´na hat besha thatha´ thicha. Chesus nehee´neyahat he´ne neh' esowobihi´nit. Ne´neya´hat wana´theni´thi hesowobehe´ha he´nenechani´thi' teshe´ne. Nene´nit Chesus nanani´ti tae´netet hana´t hewa´nehe. Nenitena teshe´ne ha´haen che´se' hitha´wa tana´hakouna Chesus hena´ine wathe´the hesowobehahe´ha hena´neya´hethi' tata´she chee´he bete´na. Hena´etehat Chesus na´neshithina´ne hehawu´hu koxuhu betena naha´ha. Ne´siti nehe´t Chesus nana´etha' baheshe´he hene´stathi be´tahu´hu nene´stat. Ha koxu´ute' hehawuni' neteha´be hene´nena, haka techetha´watanet, hehawu´ni be´ta netahaba´e. Hana´et hewa´nehe hehe´th'nenitena chi' ha´na' hexehe´behe´thawato´u Chesus, na neeche´ne' bena´thibetheya´na hebe´ta bena´tanena. Nehe´thatene hewa´nehe hete´ne' hate´heahe´ne Chesus, be´ne' hetehi´na, chata´na' hawoxta´teni´na, yeha' heso´wobih'na´hi, nehe´the´ heti' bena´ne ha´thi' na´hahatha´nina:--na Chesus hat nexaha´theha´ne xano´watih't na theni´hesh bena´ne betha' e´thethani´i. ---- Beheti´hi Chesus he´neya´hun na bethihi´n hehe´th'neni´tena! --- Provided by LoyalBooks.com ---